أفضل 10 أنواع كريم اساس للبشرة الدهنية

أفضل 10 أنواع كريم اساس للبشرة الدهنية

  • 2 نوفمبر 2023
  • مي السيد

كتير مننا دلوقتي مهتم جدًا بالميك اب و العنايه البشره و اول حاجه بنهتم بجودتها هي كريم الأساس ( الفاونديشن ) لان من اسمه هو فعلًا الاساس اللي بيتبني عليه باقي المكياچ و كتير من البنات للأسف بتختار كريم الاساس بطريقه عشوائيهسواء كان نوعه او درجته و ده مش صح اطلاقًا لان في عوامل كتير المفروض تختاري علي أساسها الأنسب لك و لو اختارتي كريم الاساس الغلط مش بس هيكون الميك اب شكله وحش كمان انتي ممكن تضري بشرتك و انتي مش فاهمه ،و في الموضوع ده هرشحلكم أفضل 10 أنواع كريم اساس للبشرة الدهنية. .

فاونديشن بورچوا اير مات / Bourjois Air Matte Foundation
1-

فاونديشن بورچوا اير مات / Bourjois Air Matte Foundation

  • فاونديشن بورچوا تغطيته عاليه بيقدر يخفي عيوب البشره بشكل لطيف جدًا و درجاته متنوعه
  • رغم ان المتاح منها في مصر محدود لكن بشكل عام هو درجاته كتير ، شكله النهائي مطفي تمامًا
  • و كتير بيعتبر دي ميزه و كتير بيعتبرها عيب بس بشكل عام هي ميزه لاصحاب البشره الدهنيه
  • له ريحه مش لطيفه لكن بتختفي مع الدمج

السعر : 280 جنيه مصري.

1
أعجبني
0
ميلاني كونسيل + پيرفكت / Milani Conceal + Perfect 2 in 1
2-

ميلاني كونسيل + پيرفكت / Milani Conceal + Perfect 2 in 1

  • فاونديشن ميلاني يعتبر من افضل فاونديشنز البشره الدهنيه من الـ Drug Store
  • رغم ان المظهر النهائي ليه مش مطفي تمامًا لكنه برده مش لامع
  • لكن بيتميز بانه مقاوم للماء و التعرق و تقدري تستغني بيه عن الكونسيلر كمان
  • يعني ممكن تستخدميه علي الوش كامل حتي منطقة تحت العين
  • متاح منه 45 درجه بدايه من البشرات الفاتحه جدًا لغاية البشرات الحنطيه
  • كمان تغطيته كامله هيقدر يغطي كل العيوب في بشرتك
  • عيبه انه مش متاح في مصر غير اونلاين و كمان مش مناسب للاستخدام اليومي او النهاري.

السعر: 10 دولار.

0
أعجبني
0
لوريال ترو ماتش سوبر بليندبل / L’Oréal True Match Super Blendable
3-

لوريال ترو ماتش سوبر بليندبل / L’Oréal True Match Super Blendable

  • عندي قناعه ناتجه عن تجربه شخصيه و هي ان الفاونديشن ده مناسب لجميع انواع البشره. سواء دهنيه او مختلطه او جافه
  • و ده لانه مش مطفي و كمان مش بيلمع و مش بينشف البشره اطلاقًا و شكله علي البشره طبيعي جدًا
  • تغطيته متوسطه لكن تقدري تبنيها بمعني انك تقدري توزعي طبقه زياده علي بشرتك علشان التغطيه تعلي
  • فيه Spf18 و ده يخليه مناسب للصبح مع استخدام صن بلوك طبعًا. و كمان ممكن تستخدميه في مناسبات لانه مش بيعمل فلاش باك
  • درجاته كتير ، مشكلته انه تعليبه مش عملي و كمان مش متاح في مصر غير اونلاين.

السعر: 320 جنيه مصري.

0
أعجبني
0
فاونديشن كاتريس اتش دي ليكويد / Catrice Hd Liquid Coverage
4-

فاونديشن كاتريس اتش دي ليكويد / Catrice Hd Liquid Coverage

  • فاونديشن عباره عن قطّاره تقدري تتحكمي في تغطيته بعدد النقط المستخدمه علي البشره. لذلك فهو افضل كريم اساس للبشرة الدهنية واسعارها في متناول الكل.
  • الميزه فيه ان قوامه خفيف و احساسه كمان خفيف علي البشره مش بتحسي بطبقه علي وشك
  • مشكلته انه بيأكسد و متاح منه 4 درجات فقط !

السعر : 270 جنيه مصري.

0
أعجبني
0
ميبلين فيت مي مات + پورليس / Maybelline Fit Me Matte + Poreless
5-

ميبلين فيت مي مات + پورليس / Maybelline Fit Me Matte + Poreless

  • فاونديشن ميبلين قوامه خفيف جدًا علي البشره و تغطيته من خفيفه لمتوسطه و اللي بيميزه انه بينعّم شكل المسام فعلًا و مش بيظهرها اكتر
  • كمان شكله النهائي علي البشره مطفي مفيهوش اي لمعه لكن في نفس الوقت شكله طبيعي مش مزعج
  • و تقدري تستخدميه الصبح لانه خفيف و كمان تعليبه ممتاز كما ان كريم الاساس رخيص وحلو للبشره الدهنية وعيبه انه برده للاسف في مصر اونلاين فقط.

السعر : 170 جنيه مصري.

0
أعجبني
0
ويت ان وايلد فوتو فوكس / Wet N Wild Photo Focus
6-

ويت ان وايلد فوتو فوكس / Wet N Wild Photo Focus

  • لاين فوتو فوكس من ويت ان وايلد اتعمل مخصوص علشان يناسب التصوير فـ يظهر شكل البشره في الصوره ناعم ولذلك فهو افضل كريم اساس للبشرة الدهنية واسعارها في متناول الكل.
  • و في نفس الوقت ميعملش فلاش باك فـ تبان البشره افتح من لونها ، الفاونديشن ده كمان رأيي انه مناسب لكل انواع البشره
  • لانه مش مطفي اوي و لا بيلمع اوي و كمان قوامه خفيف جدًا علي البشره و تغطيته متوسطه ، مش متاح للأسف غير اونلاين.

السعر: 239 جنيه مصري.

0
أعجبني
0
ميبلين سوبر استاي 24 ساعه / Maybelline Super Stay 24hr
7-

ميبلين سوبر استاي 24 ساعه / Maybelline Super Stay 24hr

  • ده فاونديشن تاني من ميبلين مختلف عن فيت مي في كل حاجه لانه تغطيه عاليه و شكله علي البشره مطفي
  • بالاضافه لانه تقيل علي البشره فـ مش هتقدري تستخدميه غير في مناسبات فقط
  • و للأسف هو بيأكسد يعني بعد شويه هتلاقي لونه علي وشك اغمق فـ نصيحتي ليكي تشتري درجه افتح علشان لما يتأكسد يناسبك.
  • هو فاونديشن كويس جدًا للمناسبات و سعره كمان مش غالي لكن للاسف درجاته محدوده.

السعر: 250 جنيه مصري.

0
أعجبني
0
لوريال انفالبل پرو مات / l’Oréal Infallible Pro Matte
8-

لوريال انفالبل پرو مات / l’Oréal Infallible Pro Matte

  • فاونديشن لوريال انفالبل خالي من الزيوت و اللوك النهائي له مطفي تمامًا و شكله Powdery بمعني انه مش شرط تثبتيه بباودر خالص و ممكن تكتفي بيه ويعد افضل كريم اساس للبشرة الدهنية واسعارها في متناول الجميع.
  • قوامه متوسط لكن انصحك باستخدامه في المناسبات فقط كما كريم اساس رخيص وحلو للبشره الدهنية وافضل طريقه لدمجه هي توزيعه بفرشاه و بعدين دمجه ببيوتي بليندر مندّيه.

السعر: 179 جنيه مصري.

0
أعجبني
0
ان واي اكس توتال كونترول دروبس / Nyx Total Control Drops
9-

ان واي اكس توتال كونترول دروبس / Nyx Total Control Drops

  • فاونديشن قوي جدًا عباره عن قطّاره تقدري تتحكمي في تغطيته علي حسب عدد القطرات المستخدمه
  • و قوامه سائل و تغطيته متوسطه و تقدري تبنيها بكل سهوله يعني تزيدي طبقات من الفاونديشن بدون ما يكون مظهره وحش
  • عيبه ان حجمه صغير و سعره عالي الي حد ما و مش متوفر بسهوله لكن متاح منه درجات كتير.

السعر: 390 جنيه مصري.

0
أعجبني
0
ايسنس سوفت تاتش موس فاونديشن / Essence Soft Touch Mousse Foundation
10-

ايسنس سوفت تاتش موس فاونديشن / Essence Soft Touch Mousse Foundation

  • الموس عمومًا صديق للبشره الدهنيه و بيكون عباره عن فاونديشن و باودر في تركيبه واحده فـ يبان علي البشره بشكل مطفي حيث يعتبر افضل كريم اساس للبشرة الدهنية واسعارها في متناول الكل.
  • و كمان متحتاجيش تستخدمي بعده باودر ، النوع ده من ايسنس ميزته انه خفيف جدًا علي البشره و بيبان طبيعي جدًا
  • و مناسب للاستخدام اليومي لكن للاسف تغطيته خفيفه جداً محتاجه بشره خاليه من العيوب و كمان درجاته محدوده جدًا مش هتناسب كل الوان البشره بس كريم اساس رخيص وحلو للبشره الدهنية و هيناسب الكل.

السعر: 137 جنيه مصري.

0
أعجبني
0

اترك لنا تعليقك